Tuesday, 26 April 2016 06:20

Taingen

Under the construction

Published in Sizang Khua leh Min
Tuesday, 26 April 2016 06:15

Khuasak

Thuantak khua le Vomhzang khua pan Lophei, Limkhai, Thuklai ci te inntuan in khua a saat tak ciang Khuasakte in inn lua a, Thuantak le Vomhzang ah teang suak lai hi. 1729-30 hun pawlin Pu That Lang le a tate lampuina taw tulaitak Khuasak khua ii Khualui hawng ah khua khiinto hi. Tua khua sia khua saat thak in kingaisun ngawl a, Vomhzang khua a tuato bangin ngaisun ahikom khua min zongh Vomhzang khua min dang khat ahi “Khuasak” sia kipua sak paih hi. Tuabek dom ngawl Tualbawl ciang Vomhzang khua ah tual phuisam bangin kisam hi. Khuasak khua khiinto te min kihel sak ngawl hi. Khuasak te sia Thuantak, Vomhzang pan a tai khak bel Sizangte innlua ahi hi.

Published in Sizang Khua leh Min
Tuesday, 26 April 2016 06:14

Thuklai

Thuantak le Vomhzang pan Lophei pawl le Limkhai pawl inn a tuan zawkciang Khuasak pawl le Thuklai pawl teng ki om khawm lai hi. 1720 kum pawl in Pu Suum Seal lampui in Thuk Lai suan teng in Muipi khua sat uh hi. Hi bangin Muipi khua sat a, a teenna mun taw kizui in Muitung, Muinuai, Muikhua, Muidam, Muisaang ci in hawng minte zongh hong piang hi. Ahizong khat vei ciang Pu Thuk Lai min law natu ngaisutna taw Muipi min bo sak in Thuklai khua kici zaw hi. Mikaang ngamkeau ngalte Khuasak hong thet ciang Khuasak a kipan Sizang mite in Thuklai khua buhna in kinei a, Phaipi, Zo, Beallei cina mun teng ah kiteang ngei hi.

Published in Sizang Khua leh Min
Monday, 25 April 2016 10:28

Buanman

Pu Thuk Lai ii ta Pu Tua Nuam pan sim khang liatna te ii khan hun AD 1795 pawlin Thuklai pan inntuan in Buanman khua kisat hi. Buanman satna mun sia a tuk a khal in ko ngei ngawlin, ciimmeang ne in sial le nganno te in tentol ahikom tua buannawng teng bulphu in a lei min Buanman kici hi. Tua lei min zui in khat vei ciang khua min zongh Buanman kici hi.Buanman pan ngal le sa hangin Ngalthang, Haipeang, Anthang ci mun te ah teang kakoai ngei hi. Anthang pan Buanman zot kik ciang khua min Buanman kizangh a kip suak hi. Mikaang ngal Siallum pan nan zawkciang Voklaak khua ah teang tek phot hi kale 1904 pawl ciang pawlkhat in Buanman zuan kik uh hi.

Published in Ngamthu