• Home
  • Displaying items by tag: Seino

Latest Article

Mekha

Mekha sia ei Zongam bek ah om a heang ingh.

Sizang - Vaiphei

1450AD in Suantak suan Neilutte sia Sizaang ngam panh peam

Khai Kam

ခိုင္ကမ္းသည္ ၁၈၆၄ ခုႏွစ္ တြင္ ခ်င္းျပည္နယ္၊ တီးတိန္ျမိဳ႕နယ္၊ ခြာဆေက်းရြာတြင္ ေမြးဖြားသည္။ ၁၉ရာစု ေနာက္ပိုင္း အဂၤလိပ္ကို

Thuklai

Thuantak le Vomhzang pan Lophei pawl le Limkhai pawl inn

Siyan

Lasa minthang, hong nusia zo Siyan (Kam Za Tual) 10th
  • 1

Buanman

Rate this item
(0 votes)

Pu Thuk Lai ii ta Pu Tua Nuam pan sim khang liatna te ii khan hun AD 1795 pawlin Thuklai pan inntuan in Buanman khua kisat hi. Buanman satna mun sia a tuk a khal in ko ngei ngawlin, ciimmeang ne in sial le nganno te in tentol ahikom tua buannawng teng bulphu in a lei min Buanman kici hi. Tua lei min zui in khat vei ciang khua min zongh Buanman kici hi.Buanman pan ngal le sa hangin Ngalthang, Haipeang, Anthang ci mun te ah teang kakoai ngei hi. Anthang pan Buanman zot kik ciang khua min Buanman kizangh a kip suak hi. Mikaang ngal Siallum pan nan zawkciang Voklaak khua ah teang tek phot hi kale 1904 pawl ciang pawlkhat in Buanman zuan kik uh hi.

Buanman khua sia Thuklai than kilukham ahikom kikaamsia hi ci upna nei pawlkhat hangin 1917 kum ciang Leisan khua sat uh hi. Ahizong Leisan khua ah kum 22 sung innmong 10 bang om ahikom 1939 kum pan kipan Buanman kizuan kik hi. Ahizong a khak bel inn 9 teng in 1950 kum ciang Buanman zuan nawn ngawlin Buanman taw tai khat bang a kikhuala na mun Sialtuuzang khua sat in teang uh hi. Tua hun pan kipan Buanman khua sia Buanman le Sialtuuzang mun nii ah tu dong teang uh hi.

Buanman khua ah 1949 kum in mawtaw theng hi. 1950 kum in Buanman le Sialtuuzang pan Limkhai Bungh, Voklaak, Thuklai khua te ah telephone khau kithung a, telephone taw kipaupui thei hi. 1965 kum ciang Private Primary School phuan a, 1982 kum ciang kumpi te in Basic Education Primary School pia hi.

Biakna taw kisai in a kipat pan Lawki ngeina hi a, 1913 kum ciang khuathing in Laipian suak siat hi. 1920 kum ciang Tuiphum Tapidaw kipan in om a, 1943 kum ciang Pawlpi piang hi. 1960 kum ciang SDA theng a, 1945 kum ciang Laipian biakna bo thiang kik hi.

Last modified on Wednesday, 27 April 2016 08:05
Seino Research

This is notes for admin of Sizaangseino.org.

Login to post comments