Maai

Written by Monday, 25 April 2016 09:10

Zo ann sung pan Maai sia aom ngawl phamaw khat a hihi. Mai sia Lo zongh ah ki ciing aa, in mai, innung, kongdal, huan sung khawng zongh ah ki ciing hi. Mai sia ei Zominam tena thumi sim lei ngawl ih hi hang, Japan te bang na na thupi sim mama aa, anneak pui, athupi ni anneak khopna ci bang hun in maime tawh leangna na do  uhhi. Mang te na Mai nam tam mama na nei aa.. Cinderella Pumkin, Carival Pumkin, Baby Boo Pumkin, Kabocha Pumkin, Sugar Pie Pumkin, Italian Tripe Pumkin etc in nam tam mama na om hi.

Vaimim

Written by Monday, 25 April 2016 07:08

Vaimim sia khamtung ngam ih ih anpi, neakpi khat hi aa, antang zawk ciang a kinebel hi. Anlakhun pan kipan Taang (Rice) ki ne aa a hi hang vaimim zongh an neak pi dektak ma in ki ne hi. vaimim sia saa tawh a hi zongh, ngataam tawh a hi zongh ki huan aa vaimim em cii in, vai mim sia mei tawh em in ki ne hi. Khalka, Falam sang te in Buti cii in, satui (Khuisa) tawh ahuan khop sia Sabuti cii hi. Ih zo ann sung pan ngual na hong heak sak bel an nam khat sia Sabuti a hihi.

Theimaling

Written by Monday, 25 April 2016 07:05

Theimaling nga sia ciin thei nam hi ngawl aa, ngamsung, lum kung khawng ah a po ling anei thingkung nam khat ih thei hi. Zongam khawng bekma ah ki mu in ngualngam te na hong heaksak ngawl hi. A limna sia thumthuk hi

Mekha

Written by Monday, 25 April 2016 07:04

Mekha sia ei Zongam bek ah om a heang ingh. Kawlngam, vaingam bazaar sung ih zonsuk zonto hang kimu ngei bo. A limna (taste) sia kha vasip in ngapih taw kang khawm leang lim mama aa ankam limtuam mama hi.
Mekha sia zomite na in nuai, huan sung cii khawng ah ki ciing thathong lel aa, oo kul mama ngawl thingkung no nam khat a hihi.

Thei

Written by Monday, 25 April 2016 07:00

Ngaamsung po neak thei sung pan a lim mama nam khat sia thei hi. A ki ciing hi ngawl aa, a ki ciiing zong om ngawl luilam hi.